मासिक पाळीत कमी रक्तस्त्राव होण्याचे कारण काय आहे?

मासिक पाळी दरम्यान कमी रक्तस्त्राव होतो ? जाणून घ्या कारणे, लक्षणे आणि उपाय

स्त्रियांच्या आयुष्यातील महत्त्वाचा भाग म्हणजे पाळी. प्रत्येक मुलीला वयाच्या १०, ११ किंवा १३ व्या वर्षी पाळी येते. ही पाळी वयाच्या ५० व्या वयापर्यंत सुरु राहते. असे पाहिला गेले तर दर महिन्याला पाळी येणे म्हणजे तुमचे आरोग्य उत्तम असलेल्याचे लक्षण आहे. सुरुवातीच्या काळात आणि गरदोरपणात सोडले तर दर महिन्यात पाळी येणे फार महत्त्वाचे आहे. पण, बऱ्याच जणांची पाळी व्यवस्थित येत नाही. तर अनेकांना पाळी आली तरी त्याचा रक्तस्त्राव हा व्यवस्थित होत नाही. याची नेमकी कारणे कोणती आहेत? आणि याची लक्षणे आणि उपाय काय आहेत ? ते आज आपण जाणून घेणार आहोत. 

मासिक पाळी दरम्यान कमी रक्तस्त्राव होण्याची अनेक कारणे असू शकतात. त्यातील एक महत्त्वाचे कारण म्हणजे कुपोषण किंवा ऍनिमिया असणे हे त्यातील एक महत्त्वाचे कारण आहे. तसेच अनियमित जीवनशैली, व्यायामाचा अभाव आणि ताण तणाव ही कारणे देखील मासिक पाळीचा रक्तस्त्राव कमी करण्यास कारणीभूत ठरु शकतात. 

मासिक पाळी दरम्यान कमी रक्तस्त्राव होण्याची लक्षणे

पहिल्यांदाच मासिक पाळी आली असेल तर सुरुवातील १ ते २ वर्ष कमी रक्तस्त्राव होतो. पण, त्यानंतर पाळी अनियमित होत असेल आणि कमी रक्तस्त्राव होत असेल किंवा अतिशय कमी आणि फिकट रंगाचा रक्तस्त्राव होत असेल तर तो कमी रक्तस्त्राव होत असल्याचे ओळखावे. तर अनेकदा रक्तस्त्राव न होता स्पॉटिंग होणे, अशी लक्षणे असतील तर त्या महिलेला पाळी दरम्यान कमी रक्तस्त्राव होत आहे हे ओळखावे. 

मासिक पाळी दरम्यान कमी रक्तस्त्राव होण्याची कारणे

थायरॉईड हार्मोन्सचे असंतुलन
मासिक पाळी बंद होण्याचे वय जवळ आले असताना
चिंता, ताण, तणाव आणि नैराश्य
पीसीओडी
असंतुलित आहार
वजन झपाट्याने कमी होणे
वजन अधिक असणे
प्रदीर्घ आजार

कमी रक्तस्त्राव व्यस्थित होण्यासाठी घरगुती उपाय

पालक आणि गाजराचा रस
शरीरात रक्ताची कमतरता असतानाही मासिक पाळीत कमी रक्तस्राव होतो. जर तुम्हालाही हा त्रास होत असेल तर तुम्ही तुमच्या आहारात पालक आणि गाजराच्या रसाचा समावेश करावा. यामुळे शरीरातील आवश्यक द्रवासोबत रक्तही तयार होते.

हिंग लाभदायक 
हिंगाच्या सेवनाने शरीरात प्रोजेस्टेरॉन हार्मोनचे प्रमाण वाढते. त्यामुळे कमी रक्तस्रावाची समस्याही दूर होते. म्हणूनच तुमच्या आहारात हिंगाचा वापर करा.

उसाचा रस प्या 
पीरियड्समध्ये कमी रक्तस्रावाची समस्या टाळण्यासाठी उसाचा रस खूप फायदेशीर आहे. म्हणूनच मासिक पाळी सुरू होण्याच्या १४ दिवस आधी दररोज एक ग्लास उसाचा रस पिणे सुरू करा.

दालचिनी  
मासिक पाळीत योग्य रक्तस्राव होत नसल्यास दालचिनीचा वापर करावा. कोमट पाण्यात दालचिनी पावडर मिसळा आणि दिवसातून 2-3 वेळा प्या. यामुळे रक्तस्राव चांगला होईल आणि मासिक पाळीचा त्रासही दूर होईल.

आल्याचे सेवन
रक्तस्त्राव वाढवण्यासाठी आणि मासिक पाळीच्या दुखण्यापासून आराम मिळण्यासाठी आले पातळ कापून पाण्यात उकळा. नंतर कोमट आल्याचे पाणी प्या. दिवसातून 2-3 वेळा याचे सेवन करा. याचाही मोठा फायदा होईल.

तीळ पाळीच्या समस्या दूर करतात 
तिळामध्ये असे घटक असतात जे हार्मोन्स नियंत्रणात ठेवण्यास मदत करतात. ज्यामुळे रक्तस्राव व्यवस्थित होतो. अशावेळी तीळ गुळासोबत बारीक करून घ्या. नंतर मासिक पाळी सुरू होण्यापूर्वी २ आठवडे सतत १ चमचे घ्या.